Ymunwch â ni i gyflawni rhaglen amgylcheddol a seilwaith fwyaf uchelgeisiol Cymru hyd yma
Lluniwch y dyfodol. Amddiffynnwch y presennol.
Rydym yn recriwtio ar gyfer ystod eang o rolau arbenigol ym meysydd cynllunio datblygiadau, ecoleg forol a daearol, rheoleiddio a thrwyddedu, cyfreithiol, cyllid a mwy; gyda phob un yn cyfrannu at ddarparu seilwaith o bwys cenedlaethol a'n hymateb i argyfyngau hinsawdd a natur.
Mae'r rolau hyn yn ganolog i'n gwaith ar y canlynol:
- Cydsyniad seilwaith a chyngor rheoleiddio
- Cynllunio a pholisi amgylcheddol
- Cadwraeth forol a thirwedd
- Ymbelydredd a rheoleiddio'r sector niwclear
- Cyllid strategol a chyflawni rhaglenni
- Gwasanaethau cyfreithiol
P'un a ydych chi'n brofiadol yn y sector cyhoeddus neu'n arbenigwr yn eich maes, os ydych chi'n chwilio am eich cyfle nesaf i gael effaith ar lefel genedlaethol, rydyn ni eisiau clywed gennych chi!
Beth sydd ar gael?
Mae gennym dros 30 o swyddi gwag newydd a chyffrous ar gael ar amrywiaeth o raddau a chyflogau, gan gynnwys:
- Cynghorwyr Arbenigol a Rheoleiddwyr yn y meysydd morol, cynllunio, niwclear, trwyddedu a pholisi
- Ecolegwyr a Chynghorwyr sy'n gweithio ar rywogaethau a chynefinoedd gwarchodedig
- Cyfreithwyr a Gweithwyr Proffesiynol Ariannol sy'n cefnogi datblygu a rheoleiddio seilwaith
- Arweinwyr Gweithredol sy'n rheoli rhaglenni effaith uchel
Mae pob rôl yn cynnig gweithio hyblyg, cyfnodau absenoldeb hael, a'r cyfle i weithio mewn sefydliad sy'n cael ei yrru gan bwrpas ac sy'n cyfrannu'n uniongyrchol at lesiant a chydnerthedd Cymru.
Pam ymuno â Cyfoeth Naturiol Cymru?
Yn CNC, mae eich gwaith yn bwysig. Rydym yn arwain y ffordd o ran cefnogi datblygu cynaliadwy, gwella bioamrywiaeth, a mynd i'r afael â'r argyfyngau hinsawdd a natur. Mae'r rolau hyn yn cael eu hariannu gan Raglen Cydsyniad Seilwaith Llywodraeth Cymru, sy'n adlewyrchu pwysigrwydd cenedlaethol y gwaith hwn.
Byddwch yn ymuno â thîm sy'n gwerthfawrogi cydweithio, cynhwysiant ac arbenigedd, gyda'r offer a'r hyblygrwydd i wneud eich gwaith gorau.
Sut i wneud cais
Dogfennau y bydd angen i chi eu lanlwytho
- yr hyn y byddwch yn ei gynnig i'r rôl mewn llai na 1500 o eiriau – defnyddiwch y dull STAR
- CV diweddar neu ddogfen yn cynnwys eich hanes gwaith (dewisol)
Peidiwch â chynnwys eich enw yn y dogfennau y byddwch yn eu huwchlwytho fel y gallwn eu hadolygu'n ddienw ac yn ddiduedd.
Archwiliwch yr holl swyddi gwag a gwnewch gais ar-lein
| Teitl y Swydd | Lleoliad | Cyflog | Dyddiad Cau |
|---|---|---|---|
| Prif Ymgynghorydd Polisi Niwclear a Rheoleiddio | Hyblyg | £59,547-£65,004 | 15/06/2025 |
| Cynghorydd Ynni a Datgarboneiddio Arweiniol | Hyblyg | £45,367-£50,877 | 15/06/2025 |
| Cynghorydd Arweiniol Cynllunio Seilwaith Cenedlaethol x 2 | Hyblyg | £45,367-£50,877 | 15/06/2025 |
| Cynghorydd Isadeiledd Strategol a Pholisi Codi Tâl | Hyblyg | £45,367-£50,877 | 15/06/2025 |
| Cynghorydd Rhaglen Seilwaith Arweiniol | Hyblyg | £45,367-£50,877 | 15/06/2025 |
| Cynghorydd Trawsnewid y Gwasanaeth Cynllunio | Hyblyg | £45,367-£50,877 | 15/06/2025 |
| Cynghorydd Incwm Rheoleiddiol | Hyblyg | £41,132-£44,988 | 15/06/2025 |
| Uwch-gynghorydd Cydsyniad Seilwaith | Hyblyg | £41,132-£44,988 | 15/06/2025 |
| Uwch-gynghorydd Cynllunio | Hyblyg | £41,132-£44,988 | 15/06/2025 |
| Uwch-gynghorydd Rhywogaethau a Warchodir x 2 | Bangor neu Caerdydd | £41,132-£44,988 | 15/06/2025 |
| Swyddog Cynghori Morol | Hyblyg | £36,246-£39,942 | 15/06/2025 |
| Arweinydd Tîm Cyngor Cynllunio Datblygu | Hyblyg | £45,367-£50,877 | 18/06/2025 |
| Cynghorydd Arweiniol Polisi Ynni a Morol | Hyblyg | £45,367-£50,877 | 18/06/2025 |
| Cynghorydd Arweiniol Polisi Bioamrywiaeth | Hyblyg | £45,367-£50,877 | 22/06/2025 |
| Swyddog Arbenigol Gosodiadau a Thrwyddedu RSR | Hyblyg | £45,367-£50,877 | 22/06/2025 |
| Uwch Ecolegydd Morol | Hyblyg | £41,132-£44,988 | 22/06/2025 |
| Uwch-gynghorydd Rheoleiddio | Hyblyg | £41,132-£44,988 | 22/06/2025 |
| Uwch Arbenigwr Datgarboneiddio Diwydiannol | Hyblyg yng Ngogledd Dwyrain Cymru | £52,268-£57,726 | 22/06/2025 |
| Uwch Arbenigwr Datgarboneiddio Diwydiannol | Hyblyg yn Ne Orllewin Cymru | £52,268-£57,726 | 22/06/2025 |
| Uwch-gynghorydd Tirwedd | Hyblyg | £41,132-£44,988 | 29/06/2025 |
Eisiau gwneud gwahaniaeth? Dyma eich cyfle.
Byddwch yn rhan o rywbeth mwy. Helpwch i lunio dyfodol Cymru.