Prosiect Asesu Gweithgareddau Dyframaethu Cymru (AGDC)
Rydym wedi asesu - ac wedi mapio ble roedd modd - sensitifrwydd biotopau a rhywogaethau morol i'r pwysau a achosir gan sawl math o weithgaredd dyframaeth morol.
Mae adroddiad terfynol Asesu Gweithgareddau Dyframaethu Cymru (Saesneg gyda Chrynodeb Gweithredol Cymraeg) yn rhoi gwybodaeth am y prosiect a sut datblygwyd yr adnoddau, er enghraifft y dulliau a ddefnyddiwyd, y cyfyngiadau a’r rhagdybiaethau.
Adnoddau
Mae wyth adroddiad asesu yn disgrifio gweithgaredd dyframaethu, y pwysau a allai ddigwydd yn sgil y gweithgaredd, a sensitifrwydd biotopau a rhywogaethau i’r pwysau hynny.
Mae’r adroddiadau tystiolaeth a restrir isod ar gael yn Saesneg yn unig – ond mae ganddynt oll Grynodebau Gweithredol Cymraeg.
Dyframaeth pysgod cregyn rhynglanwol yn defnyddio trestlau neu bolion
Dyframaeth pysgod cregyn rhynglanwol a gesglir o wely’r môr
Dyframaeth rhynglanwol plannu gwymon
Dyframaeth gwymon islanwol lle defnyddir rhaffau
Dyframaeth gwymon islanwol lle defnyddir rafftiau
Dyframaeth pysgod cregyn islanwol lle defnyddir rhaffau
Dyframaeth pysgod cregyn islanwol lle defnyddir rafftiau
Dyframaeth pysgod cregyn islanwol a gesglir o wely’r môr
Mae’r effeithiau posibl yn sgil pob un o’r pwysau ar yr amgylchedd morol, a grynhoir yn yr adroddiadau asesu, yn seiliedig ar y dystiolaeth a gesglir yn y gronfa ddata o dystiolaeth.
Mae astudiaeth achos ym mhob adroddiad asesu yn dangos sut, drwy ddefnyddio’r offeryn mapio a’r dangosfwrdd, y gallwch nodi sensitifrwydd biotopau a rhywogaethau i bwysau mewn lleoliad gweithgaredd dyframaeth enghreifftiol (yn gweithio orau ar gyfrifiadur bwrdd gwaith).
O MapDataCymru (llyw.cymru), gellir lawrlwytho’r gronfa ddata dystiolaeth a’r taenlenni rhyngweithiadau biotopau a rhywogaethau sy’n cynnwys y data a ddefnyddir yn yr offeryn mapio a’r dangosfwrdd.
Gallwch ddod o hyd i ddolenni at ganllawiau’r offeryn mapio a’r dangosfwrdd drwy’r tabiau cyfarwyddyd ar yr offeryn mapio a’r dangosfwrdd.
Cyllid prosiect
Cefnogwyd prosiect Asesu Gweithgareddau Dyframaeth Cymru gan yr UE drwy Weinidogion Cymru ac fe’i hariannwyd yn llawn gan Gronfa’r Môr a Physgodfeydd Ewrop.
