Rheolwr Prosiect

Tîm / Cyfarwyddiaeth: CNC2030 / Cyllid a Gwasanaethau Corfforaethol

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 18/08/2025

Rhif swydd: 203613  

Y rôl

Mae Cyfoeth Naturiol Cymru (CNC) yn chwilio am dri rheolwr prosiect profiadol a threfnus iawn i arwain y gwaith o gyflawni prosiectau o dan raglen CNC2030 – ein trawsnewidiad uchelgeisiol, ledled y sefydliad, i adeiladu Cymru fwy cynaliadwy a gwydn.

Fel rheolwr prosiect, byddwch yn arwain y gwaith cynllunio a’r gwaith gweithredu ar ystod o brosiectau cydberthynol, gan gydweithio’n agos â chydweithwyr ar draws Cyfoeth Naturiol Cymru a phartneriaid allanol i gyflawni canlyniadau ystyrlon.

Byddwch yn datblygu a rheoli cynlluniau prosiect manwl sy’n cyd-fynd â fframweithiau llywodraethu Cyfoeth Naturiol Cymru, yn archwilio ac yn arfarnu opsiynau cyflawni – gan gynnwys defnyddio adnoddau mewnol a chaffael is-gontractwyr – ac yn paratoi achosion busnes cadarn a dogfennaeth tendrau lle bo angen.

Bydd rheolaeth ariannol a risg gref yn hanfodol, ochr yn ochr ag adrodd clir ac amserol drwy ein strwythurau llywodraethu sefydledig. Bydd sicrhau cydymffurfedd llawn â rheolaethau caffael a phrosiectau CNC yn rhan allweddol o’r rôl.

Mae’r rolau hyn yn cynnig lefel uchel o hyblygrwydd a gallant gwmpasu portffolio eang o fentrau, yn dibynnu ar flaenoriaethau’r rhaglen.

Fel sefydliad, rydym yn cefnogi gweithio hyblyg.  Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â 
Silas Jones a Silas.jones@cyfoethnaturiolcymru.gov.uk neu
Andrew Jones a andrew.r.jones@cyfoethnaturiolcymru.gov.uk

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Amdanom ni

Cyfoeth Naturiol Cymru yw’r prif gorff amgylcheddol yng Nghymru. CNC2030 yw ein rhaglen drawsnewid hirdymor sy’n sail i allu CNC i gyflawni ei amcanion llesiant a’r weledigaeth ehangach a nodir yn ein cynllun corfforaethol: “Byd Natur a Phobl yn Ffynnu Gyda’n Gilydd”.

Mae’r rhaglen yn dwyn ynghyd gyfres o brosiectau cydgysylltiedig sy’n canolbwyntio ar wella ein systemau, ein gwasanaethau, ein strwythurau a’n diwylliant. O arloesi digidol i gynllunio’r gweithlu, ac o ddatgarboneiddio i ymgysylltu â’r gymuned. 

Yr hyn y byddwch chi’n ei wneud

• Bod yn gyfrifol am ddatblygu a chynnal cynllun gweithredu manwl ar gyfer cyflawni prosiectau a gymeradwywyd fel rhan o raglenni unigol o fewn CNC2030.
• Cyflawni gwaith ymchwil yn ôl y gofyn a llunio dogfennau cymhleth sy’n cynnwys cyngor, arweiniad neu farn y bydd eraill yn eu defnyddio ac yn gweithredu arnynt.
• Monitro cynnydd yn unol â’r cynllun gweithredu a chynnal adolygiadau rheolaidd er mwyn sicrhau bod y prosiect yn cael ei gyflawni’n llawn o fewn y cyfnod amser.
• Ymwneud â thrafodaethau trydydd parti a rheoli contractau.
• Bod yn brif bwynt cyswllt ar gyfer pob is-brosiect a, lle bo angen, gweithio gyda phartneriaid eraill i rannu gwybodaeth a chydweithio i gyflawni canlyniadau wedi’u targedu o ran hinsawdd, natur a llygredd.
• Bydd gennych gyfrifoldebau cyllidebol dirprwyedig a byddwch yn gyfrifol am olrhain materion ariannol ac adrodd arnynt.
• Cyfrannu at y gwaith o gyflwyno cynllun busnes y tîm, cynllun cyflenwi’r gyfarwyddiaeth, a chynllun corfforaethol Cyfoeth Naturiol Cymru.
• Sicrhau bod dulliau gwella parhaus yn cael eu defnyddio yn y meysydd gwaith.
• Datblygu, adolygu a gwella dogfennau technegol er mwyn galluogi dealltwriaeth a chymhwysiad cyson a phriodol gan staff yn y busnes, gan arwain at ddull effeithiol o ddarparu gwasanaethau.
  
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Bydd gennych gymhwyster proffesiynol/technegol cydnabyddedig neu brofiad perthnasol cyfatebol mewn rheoli prosiectau.
2. Profiad o reoli prosiectau, gan gynnwys rheoli cyllidebau, rheoli staff, rhaglennu gwaith a chyflawni prosiectau’n llwyddiannus.
3. Profiad o lywio a dylanwadu ar adrannau’r llywodraeth / rheoleiddwyr, yn ddelfrydol ar faterion amgylcheddol.
4. Profiad helaeth o ffurfio a chynnal cysylltiadau agos â phartneriaid/rhanddeiliaid mewnol ac allanol i gyflenwi canlyniadau prosiect/swyddogaeth benodol a’r sefydliad ehangach.
5. Y gallu i weithio’n gyflym a bod â hanes o gyflawni.
6. Bod yn arloesol ac arddangos ysgogiad i gyflawni targedau.
7. Sgiliau gwaith tîm a chyfathrebu da.
8. Y gallu i ysgrifennu adroddiadau technegol sy’n glir a chryno.
9. Sgiliau negodi ac ymgysylltu.

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg) 

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.